Y Canllaw Brwsio Dannedd Plant
Mae gwên iach yn dechrau gartref: canllaw i frwsio dannedd eich plant
Pam mae dannedd babanod yn bwysig?
Nid dannedd ymarfer yn unig yw dannedd babanod. Maen nhw’n helpu plant i frathu a chnoi, cynorthwyo datblygu lleferydd, arwain dannedd oedolion i’w lle a hybu hyder wrth wenu. Pan nad yw dannedd yn derbyn gofal, mae’n arwain at bydredd dannedd a all achosi poen, heintiad a phroblemau iechyd ceg hirdymor.
Oeddech chi’n gwybod?
Tynnu dannedd wedi pydru yw’r driniaeth fwyaf cyffredin i blant 5-9 oed.
Mae brwsio dannedd plant o’r cychwyn cyntaf yn helpu datblygu arferion iechyd ceg da o blentyndod at fod yn oedolyn.
Crëwyd ar y cyd gan
Brwsio dannedd plant
Pryd i frwsio:
- Dechreuwch cyn gynted â bod y dant cyntaf yn ymddangos (fel arfer tua 6 mis)
- Brwsiwch ddwy waith y dydd gartref, yn enwedig cyn amser gwely.
- Brwsiwch ar ran eich plentyn nes y bydd yn 3 oed. Wedyn goruchwyliwch hyd o leiaf 7.
Sut i frwsio
- Brwsiwch am 2 funud, gan gwmpasu pob dant.
- Poerwch, peidiwch â rinsio a dŵr, i adael côt y fflworid ar y dannedd.
- Brwsiwch gan ddefnyddio cylchoedd bach, gan gwmpasu pob arwyneb. Cofiwch frwsio deintgig a thu ôl i’r dannedd yn dyner.
Beth sydd ei angen arnoch?
Brwsh dannedd â phen bach, gyda blew meddal i feddal-ganolig.
Newidiwch y brwsh dannedd bob 3 mis, neu’n gynt os yw’r blew wedi cael eu difrodi.
Past dannedd fflworid
- O dan 3 oed
taeniad o bast dannedd sy’n cynnwys o leiaf 1000ppm (rhannau fesul miliwn) o fflworid - 3+ oed
swm maint pysen o bast dannedd yn cynnwys rhwng 1350 a1500ppm o fflworid
Gwiriwch becynnu past dannedd am lefelau fflworid.
Gair i gall
- Rhowch gynnig ar gân brwsio dannedd neu amser gweledol i annog plant i frwsio am y ddau funud llawn. Ewch i’n tudalen dolenni defnyddiol i ddod o hyd i ganeuon am frwsio dannedd.
- Gall drych helpu plant i weld ble maen nhw’n frwsio.
- Brwsiwch ddannedd hoff degan wrth ochr eich plentyn am anogaeth
- Brwsiwch wrth ochr eich plentyn i fodelu brwsio dannedd yn dda.
Ffyrdd eraill o sicrhau iechyd ceg da
Nid brwsio yw’r cwbl Mae pethau eraill y dylech eu gwneud i sicrhau bod gan eich plentyn ddannedd a deintgig da.
Deiet
- Torrwch i lawr ar ‘siwgrau rhydd’ (unrhyw siwgr a ychwanegir at fwyd neu ddiod) fel y rheini mewn cacennau, melysion, sawsiau, sudd, smwddis a rhai iogyrtau a grawnfwydydd brecwast.
- Cynigiwch ddŵr a llaeth fel y prif ddiodydd. Os byddwch yn cynnig diodydd siwgraidd, cadwch nhw i adegau prydau bwyd yn unig a sicrhewch eu bod wedi’u gwanhau yn dda iawn.
- Torrwch i lawr ar fyrbrydau a diodydd siwgraidd rhwng prydau bwyd.
- Cyfyngwch ar y bwydydd rydych yn eu sugno o gydau. Wrth eu defnyddio, gwasgwch nhw ar lwy yn hytrach na sugno.
Poteli, cwpanau a sipio
- O 6 mis, cyflwynwch gwpan agored neu gwpan â falf llifo’n rhydd.
- O 12 mis, osgowch boteli neu gwpanau sipio y mae angen eu sugno.
Ymweliadau â’r deintydd
- Trefnwch apwyntiad deintydd cyntaf eich plentyn cyn gynted â bod ei ddannedd cyntaf yn ymddangos a cyn ei ben-blwydd cyntaf.
- Daliwch ati â gwiriadau rheolaidd – gall deintyddion weld problemau yn gynnar a helpu i atal pydredd.
- Gofynnwch i’r tîm deintyddol am gyngor ar ofalu am iechyd ceg eich plentyn.
Cynorthwyo plant ag anghenion addysgol arbennig ac anableddau (SEND)
Gall plant â SEND, yn enwedig y rheini ag anghenion synhwyraidd, heriau sgiliau motor neu gyfathrebiadau gael mwy o anhawster brwsio. Mae’n bwysig sefydlu trefn dda o frwsio dannedd mor gynnar â phosibl gan y gall fod yn fwy anodd ei gyflwyno i blant hŷn. Mae llawer o gyngor a chyfarwyddyd arbenigol ar gael.
Gair i gall
- Rhowch gynnig ar flasau gwahanol o bast dannedd o feintiau a gweadau amrywiol
- Cyflwynwch frwsio yn raddol: dechreuwch â’r brwsh dannedd ar y gwefusau, wedyn y tu mewn i’r geg gam wrth gam
- Gall brwsio mewn mannau gwahanol (fel yr ystafell wely neu ar y soffa) wneud i blant deimlo wedi ymlacio mwy
Further Learning
Useful links for The Children's Toothbrushing Guide
Helpful information and guidance to support good toothbrushing habits and healthy teeth at home.
Guides
Practical guidance for parents and carers on Starting Reception, The Potty Training Guide and The Children’s Toothbrushing Guide.
Early Childhood Sector
For everyone working to support parents and carers of 0-5 year olds. Discover the guides and resources tailored to you and your role.